Y si nos llega la oficialidá del asturianu col PP... col PSOE dexuru que non. (Análisis electoral pa nenos)

Ye una época mala pa facer promeses ésta de les elleiciones, pero ehí tan, promeses. La mayoría son fumu, puxarra, falacies o alloriaes hestories del políticu de turnu. Gabinón (de Lorenzo), máxima figura del humor asturianu y alcaldísimu (si ye qu´esiste esta palabra -sinon él invéntala-) d´Uviéu lleva falando tola campaña de qu´hai que respetar la llingua asturiana. A elli paez que-y esmolez,magar que seya un pocoñín, esto de l´asturianu, (ye campaña). Ye la de so puta madre, en campaña. Dubies hai que tener siempre y nun tiráse y sofitalu como un salvador de patries, como oyi d´un ilustre andechu, que nestes elleiciones va da-y el so votu al PP de Rajoy. Esi paisanu gallegu que nun fala más que d´una neña que quier vivir en "llibertá" amás de polítiques filofascistes pa colos emigrantes que nun tienen perres.

Agora vien la entruga del millón de sestercios. ¿Qué dirá el PSOE, "madre de les llibertaes" -toi siendo irónicu-, si los peperos aprueben la oficialidá na reforma del estatutu?. Enxamás oyi a Javier Fernández, Javierón pa los collacios, al Lehendakari fartón de Areces, o a otros PSOEistes grandonos sofitar la nuesa llingua. Y mos falen d´imposición. H.e, h.e, h.e, que bonos son. Cha-y una güeyadina al vuesu collaciu, Gabinón -paradigma de la defensa de les llibertaes y los drechos- a lo que diz, anque seya mentira. Nun quiero defender al PP, en nengún casu, pero hai delles veces que la so sensibilidá pa cola llingua ye abondo mayor que los que dicen ser d´izquierdes como fai el PeSebre. Recuerdo una entrevista que fixi a Ricardo Grossi, ex diputáu del PP, sobro la llingua y el so estatus llegal. Grossi, dióme una de les claves pa defender y da-y puxu a la llingua. "Hai que quitase de la cabeza, la idega de que la llingua ye d´izquierdes, la llingua ye de tolos asturianos", dixo. Y ye que ye asina, y nun hai que da-y más vueltes.
La FSA sataniza a los asturianos con la non oficialidá de la llingua, porque diz que se va imponer. ¿Y´l castellán? ¿Nun s´impón a l´asturianu?. Con esto nun quiero dicir qu´hai que criticar el castellán, sinon tolo contrario. Respetalo, como se merez tamién l´asturianu. ¿Por qué tantes torgues, PSOeistes? Nin en campaña vos oyí nada rellacionáu col asturianu, colo de vender l´AVE pa los que teneis perres, yá vos val.